İyulun 9-da Özbəkistan Prezidenti Şavkat Mirziyoyev ölkəyə işgüzar səfərə gələn Beynəlxalq Əmək Təşkilatının (BƏT) baş direktoru Gilbert Hounqbonu qəbul edib. Bu barədə Caspian Energy Media Özbəkistan prezidentinin rəsmi saytına istinadən xəbər verir.
BƏT rəhbəri Özbəkistanın işçilərin hüquqlarının təmin edilməsində, iş yerlərinin açılmasında və beynəlxalq konvensiyaların implementasiyasında əldə etdiyi nailiyyətləri yüksək qiymətləndirib. O qeyd edib ki, BƏT ölkənin bu sahədəki təcrübəsini beynəlxalq tədqiqat və tətbiq üçün uğurlu model kimi nəzərdən keçirir.
