Azərbaycan-İspaniya biznes forumu çərçivəsində İxracın və İnvestisiyaların Təşviqi Agentliyi – AZPROMO İspaniya Ticarət Palatası və İspaniya İşəgötürənlər Təşkilatları Konfederasiyası (CEOE) ilə görüş keçirib.
CEOE-nun Beynəlxalq Əlaqələr Komitəsinin prezidenti Marta Blanko iki ölkənin işgüzar dairələri arasında təmasların artmasında AZPROMO-nun fəaliyyətini yüksək qiymətləndirib. O, ticarət, xüsusilə, ölkəmizdən İspaniyaya ixracın genişləndirilməsi üçün Azərbaycan ixracatçılarının ölkəsində keçirilən sərgilərdə iştirakının təmin olunması ilə bağlı fikirlərini bölüşüb.
Görüşdə hər iki ölkənin investisiya və ticarət imkanların barədə məlumat mübadiləsinin aparılmasına dair razılıq əldə olunub.
Bu barədə “Caspian Energy Media” AZPROMO-ya istinadən xəbər verir.
