Slovakiya Azərbaycanla təbii qaz tədarükü üzrə uzunmüddətli əməkdaşlıq imkanlarını qiymətləndirir, “Caspian Energy Media” xəbər verir.
"SPP şirkəti Azərbaycan Dövlət Neft Şirkəti (SOCAR) ilə təbii qaz təchizatı üzrə qısamüddətli pilot müqavilə imzalayıb. Qaz dekabrda alınıb və çatdırılma məntəqəsi Avstriya olub. Hazırda biz mümkün növbəti addımlar üçün əməkdaşlığı qiymətləndiririk", - şirkətdən bildirilib.
Qeyd olunub ki, Ukrayna vasitəsilə Rusiyadan təchizatın dayandırılması ilə əlaqədar qaz mənbələrinin şaxələndirilməsi proqramı çərçivəsində SPP şirkəti BP, “ExxonMobil”, “Shell”, ENI və RWE ilə müqavilələr imzalayıb.
