QazaqGaz rəhbəri Səncər Jarkeşov və PetroChina International şirkətinin icraçı direktorlar şurasının sədri U Tsyunli təbii qazın alqı-satqısına dair üçillik müqaviləyə əlavə imzalayıblar.

Bu barədə “Caspian Energy Media” Qazaxıstan şirkətinin mətbuat xidmətinə istinadən xəbər verir.

"Bunun sayəsində 2025-ci ildə Çinə qaz ixracının həcmi artırılacaq ki, bu da Qazaxıstan və Çin arasında enerji sektorundakı strateji tərəfdaşlığı bir daha təsdiq edir", – məlumatda qeyd olunub.

Şirkət əlavə edib ki, Qazaxıstanın qaz sənayesi regionun enerji təhlükəsizliyini gücləndirmək üçün etibarlı resurs tədarükçüsü kimi çıxış edir.