17 dekabr tarixində Özbəkistan Respublikasının Prezidenti Şavkat Mirziyoyev ilə Qətər Dövləti Əmiri şeyx Təmim bin Həməd Al Tani arasında telefon danışığında yüksək səviyyəli razılaşmaların praktiki həyata keçirilməsi və investisiya layihələrinin irəliləyişi məsələləri müzakirə olunub. Ölkələrimiz arasında çoxşaxəli əməkdaşlığın genişləndirilməsi və strateji tərəfdaşlığın gücləndirilməsi ilə bağlı aktual məsələlər nəzərdən keçirilib.
Aparıcı Qətər şirkətlərinin iştirakı ilə enerji, nəqliyyat və turizm infrastrukturlarının inkişafı, kənd təsərrüfatı, səhiyyə və digər prioritet sahələrdə investisiya layihələri həyata keçirilir.
Bu barədə “Caspian Energy Media” Özbəkistan Prezidentinin rəsmi saytına istinadən məlumat yayıb.
