Super User
Daşkənddə Özbəkistan-Azərbaycan biznes forumu keçirilir
Bu gün Daşkənddə Özbəkistan-Azərbaycan biznes forumu işə başlayıb.
“Caspian Energy Media” “Report”a istinadla xəbər verir ki, tədbirin açılışında Azərbaycanın iqtisadiyyat naziri Mikayıl Cabbarov və Özbəkistanın investisiya, sənaye və ticarət naziri Ləziz Kudratov çıxış ediblər.
İki gün davam edəcək forumda Azərbaycanı 67 şirkət və 10-a yaxın dövlət təşkilatı təmsil edir.
Forum çərçivəsində “Made in Azerbaijan” sərgisi də təşkil olunacaq.
“Zirə” bu gün pley-off mərhələsində ilk oyununa çıxacaq
Azərbaycanın UEFA Konfrans Liqasındakı təmsilçisi “Zirə” bu gün pley-off mərhələsində ilk oyununa çıxacaq.
“Caspian Energy Media” AFFA-nın rəsmi saytına istinadən xəbər verir ki, komanda Nikosiyada Kiprin “Omoniya” kollektivi ilə qarşılaşacaq. GSP stadionunda keçiriləcək görüş Bakı vaxtı ilə saat 21:00-da başlayacaq. Estoniyadan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.
Premyer Liqa: IV turun təyinatları açıqlanıb
Azərbaycan Premyer Liqasının IV turunda keçiriləcək oyunların təyinatları bəlli olub.
"Caspian Energy Media" AFFA-nın rəsmi saytına istinadən xəbər verir ki, “Qarabağ” – “Turan Tovuz” matçını Fərid Hacıyev idarə edəcək.
23 avqust
“Səbail” – “Kəpəz”
ASCO Arena. Saat 19:00
Hakimlər: Rauf Allahverdiyev, Eyyub İbrahimov, Asiman Əzizli, Elvin Bayramov
VAR: Rauf Cabbarov
AVAR: Rəhman İmami
Hakim-inspektor: Babək Quliyev
AFFA nümayəndəsi: Zaur Hacı-Məhərrəmov
24 avqust
“Qarabağ” – “Turan Tovuz”
Azərsun Arena. Saat 18:15
Hakimlər: Fərid Hacıyev, Kamran Bayramov, Teymur Teymurov, Tural Qurbanov
VAR: Əliyar Ağayev
AVAR: Akif Əmirəli
Hakim-inspektor: Anar Salmanov
AFFA nümayəndəsi: Bəhram Qurbanov
“Araz Naxçıvan” – “Neftçi”
Liv Bona Dea Arena. Saat 20:30
Hakimlər: İnqilab Məmmədov, Namik Hüseynov, Rahil Ramazanov, Əkbər Əhmədov
VAR: Cavid Cəlilov
AVAR: Müslüm Əliyev
Hakim-inspektor: İmanxan Sultani
AFFA nümayəndəsi: Kifayət Mustafayeva
25 avqust
“Sabah” – “Sumqayıt”
Bank Respublika Arena. Saat 18:15
Hakimlər: Elçin Məsiyev, Elşad Abdullayev, Pərvin Talıbov, Kamran Əliyev
VAR: Nicat İsmayıllı
AVAR: Cəmil Quliyev
Hakim-inspektor: Munis Abdullayev
AFFA nümayəndəsi: Elgiz Abbasov
“Zirə” – “Şamaxı”
Zirə İK stadionu. Saat 20:30
Hakimlər: Kamal Umudlu, Vüsal Məmmədov, Zöhrab Abbasov, Rəşad Əhmədov
VAR: Əliyar Ağayev
AVAR: Şirmamed Mamedov
Hakim-inspektor: Əmrah İbrahimov
AFFA nümayəndəsi: Anar Şixəliyev
Azərbaycan neftinin qiyməti artıb
Dünya bazarında Azərbaycan nefti bahalaşıb.
“Caspian Energy Media” AZƏRTAC-a istinadən xəbər verir ki, “Azeri Light” markalı neftin bir barelinin qiyməti 0,17 dollar və ya 0,21 faiz artaraq 79,52 dollar olub.
“Sənaye 4.0 Hazırlıq Proqramı”nın pilot mərhələsi üçün müraciətlərin qəbuluna başlanılıb
Azərbaycan Respublikası İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi (4SİM) “Sənaye 4.0 Hazırlıq Proqramı” (S4HP) çərçivəsində tərəfdaş şirkətlərlə əməkdaşlıq üçün müraciət qəbuluna start verir.
“Caspian Energy Media” mərkəzin yaydığı məlumata istinadən xəbər verir ki, S4HP-nin məqsədi şirkətlərin "Sənaye 4.0" hazırlığına dəstək etmək və iqtisadi artıma nail olmaqdan ibarətdir.
Tərəfdaş şirkətlər beynəlxalq ekspertlərin iştirakı ilə bacarıqların artırılması sessiyalarına cəlb olunacaqlar. S4HP çərçivəsində yerli şirkətlər proqram tərəfdaşı kimi təsdiqlənmək imkanı əldə edəcəklər.
“Bakı Mərmər Qranit” MMC özəlləşdirilib
İqtisadiyyat Nazirliyi yanında Əmlak Məsələləri Dövlət Xidməti tərəfindən ölkənin tikinti materialları sənayesi sektorunda fəaliyyət göstərən daha bir müəssisənin - “Bakı Mərmər Qranit” MMC-nin dövlətə məxsus paylarının satışı üzrə keçirilən investisiya müsabiqəsinin qalibi müəyyənləşib. Müsabiqə qalibi 10 milyon 500 min manat həcmində İnvestisiya Proqramının icrasına dair öhdəlik götürüb.
“Caspian Energy Media” İZİA-ya istinadla xəbər verir ki, İnvestisiya Proqramının icrası müəssisədə ən azı 100 yeni iş yerinin açılmasına imkan yaradacaq.
Azərbaycanda “Starlink” internet xidmətinin təşkil olunması müzakirə edilib
Azərbaycanda “Starlink” genişzolaqlı peyk internet xidmətinin təşkil olunması müzakirə edilib.
“Caspian Energy Media” xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib.
“Bakıda səfərdə olan “Starlink” peyk sisteminin qlobal lisenziyalar və yeni bazarlar üzrə direktoru Rebekka Slik Hanterlə görüşdük. Azərbaycanda “Starlink” genişzolaqlı peyk internet xidmətinin təşkili məsələlərini müzakirə etdik,”- deyə o qeyd edib.
Taxıl biçininin təşkili ilə bağlı müsabiqənin qalibləri mükafatlandırılıb
Aqrar Sahə İşçilərinin Həmkarlar İttifaqı Birliyi və “Aqroservis” Açıq Səhmdar Cəmiyyətinin (ASC) birlikdə taxıl biçini dövründə elan etdiyi müsabiqəyə yekun vurulub.
“Caspian Energy Media” nazirliyə istinadla xəbər verir ki,seçim zamanı yüksək peşə hazırlığı, əmək intizamı və biçin dövründə əldə edilmiş nəticələr nəzərə alınıb. Tədbirin sonunda taxıl biçininin təşkili prosesinə həsr edilmiş müsabiqənin qalibləri elan edilib. “Aqroservis” ASC-nin Aqtrotexniki xidmətlər şöbəsinin əməkdaşı Ruslan Hacıyev “Ən yaxşı mütəxəssis”, qurumun Şabran Rayon Bölməsinin mexanizatoru Ərziman Ərzimanov “Ən yaxşı mexanizator”, Tovuz Rayon Bölməsinin əməkdaşı Asəf Ələkbərov “Ən yaxşı mühəndis”, Sabirabad Regional Nümayəndəliyinin direktoru Qalib Pənahov “Ən yaxşı bölmə rəhbəri” nominasiyası üzrə qalib elan ediliblər.
Qaliblər Aqrar Sahə İşçilərinin Həmkarlar İttifaqı Birliyi tərəfindən diplom və mükafatlar ilə təltif olunublar.
Türkiyədə Kvant Texnologiyalarının Təkmilləşdirilməsi Mərkəzi yaradılır
Türkiyə Prezident Administrasiyasının Müdafiə Sənayesi Komitəsinin nəzdində Kvant Texnologiyalarının Təkmilləşdirilməsi Mərkəzi yaradılır.
“Caspian Energy Media” AZƏRTAC-a istinadla xəbər verir ki, bu barədə komitənin rəhbəri Haluk Görgün bildirib.
Professor Haluk Görgün deyib ki, dünyada inkişaf tempini getdikcə artıran kvant texnologiyaları sahəsində qlobal inkişaflarla bərabər, ekvivalent qazancları ölkə daxilində əldə etməyin Türkiyəyə qazandıracağı strateji üstünlükləri nəzərə alaraq, sahə üzrə ölkədaxili inkişafı sürətləndirmək və dünya ilə rəqabətədavamlı hala gətirməyi ciddi zərurət kimi görürük. Bu baxımdan Müdafiə Sənayesi İcraiyyə Komitəsinin qərarı ilə yaradılacaq Türkiyə Kvant Texnologiyalarının Təkmilləşdirilməsi Mərkəzində bu texnologiyalar üçün mühüm olan infrastruktur yaradılacaq, insan resursları formalaşdırılacaq, yerli kvant texnologiyaları ekosistemi və texnoloji biliklər inkişaf etdiriləcək. Mərkəzdə yerli və beynəlxalq əməkdaşlıqların genişləndirilməsi istiqamətində də fəaliyyət həyata keçiriləcək.
Azərbaycan Ermənistanı COP29-a dəvət edib
COP29-da iştirak etmək üçün dünyanın bütün dövlət başçılarına dəvət göndərilib.
“Caspian Energy Media” xəbər verir ki, bu barədə Azərbaycan energetika nazirinin müavini, COP29 Azərbaycan üzrə baş icraçı direktor Elnur Soltanov “Anadolu” agentliyinə müsahibəsində deyib.
Elnur Soltanov bildirib ki, 50-dən çox dövlət və hökumət başçısı COP29-da iştirak edəcək və bu rəqəmin artacağı gözlənilir.
“Dəvət olunanlar arasında Ermənistan da var”, - o vurğulayıb.
