İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin icraçı direktoru Fariz Cəfərov Oman sultanlığının Süni İntellekt və Qabaqcıl Texnoloji Layihələr Mərkəzinin direktoru Salim al-Şuahili ilə görüşüb.

“Caspian Energy Media” 4SİM-in rəsmi saytına istinadən xəbər verir ki, görüşdə 4SİM-in fəaliyyəti və süni intellekt layihələri, Dünya İqtisadi Forumu ilə əməkdaşlıq barədə məlumat verilib. Tərəflər Oman Süni İntellekt Mərkəzinin fəaliyyəti ilə bağlı fikir mübadiləsi aparıb və mümkün əməkdaşlıq, o cümlədən, təcrübə mübadiləsi məsələlərini müzakirə ediblər.