İqtisadiyyat Nazirliyi 20 mln. manatlıq informasiya sistemi yaradır.

"Caspian Energy Media" Dövlət Elektron Satınalmalar Portalına istinadən xəbər verir ki, İqtisadiyyat Nazirliyinə aid “Tikinti-Təchizat Birliyi" MMC “Milli Məkan Məlumatları İnformasiya Sistemi”nin yaradılması və əlaqədar təlim xidmətləri ilə bağlı tender keçirib. Satınalmanın qalibi “Caspel” MMC seçilib. Şirkətlə 19 milyon 842 min 880 AZN dəyərində müqavilə imzalanıb.

Qeyd edək ki, “Caspel” MMC 2005-ci ildə yaradılıb, nizamnamə kapitalı 1 milyon 146,02 min AZN təşkil edir.