İqtisadi Zonaların İnkişafı Agentliyinin (İZİA) təşkilatçılığı ilə “Tovuz Aqro” MMC-nin Tovuz rayonun Çeyrançöl ərazisində yerləşən aqroparkına mediatur təşkil edilib.

Caspian Energy Media İZİA-ya istinada xəbər verir ki, “Tovuz Aqro” MMC-nin direktoru Şahmar Əzimli bildirilib ki, aqropark 3 fəaliyyət istiqaməti - ətlik heyvandarlıq, əkinçilik və ət emalı sahələri üzrə ixtisaslaşıb.

İndiyədək aqroparka 22,7 milyon manat investisiya yatırılıb. Bu il ilk dəfə olaraq aqroparkın 60 hektar ərazisində şəkər çuğundurunun əkini həyata keçirilib.