UEFA Millətlər Liqasının II turunda bu gün 9 oyun baş tutacaq.
"Caspian Energy Media" xəbər verir ki, A, B, C, D liqalarında yer alan komandalar üz-üzə gələcəklər.
Maraqlı görüşlərdən biri A Liqasının 3-cü qrupunda Niderlandla Almaniya arasında baş tutacaq. Amsterdamdakı "Yohan Kroyff Arena"da keçiriləcək görüşün start fiti Bakı vaxtı ilə saat 22:45-də səslənəcək.
Qeyd edək ki, C Liqasının I qrupunda yer alan Azərbaycan yığması ilk turda İsveçə 1:3, II turda isə Slovakiyaya 0:2 hesabı ilə məğlub olub.
